“TVE-1 selektis konocata vizajo por explikar l’euro. Fortunoze ne la vizajo di Ana Obregón, ma olta di Letizia Ortiz, qua esas plu quieta ed informiva. El recevis la grava komiso sukrizar la bitra pilulo dil abandono dil peseta. Tamen lua esforci esis vana. On ne povas serioze propozar al civitani ke nulo esas plu simpla kam dividar 175 peseta per 166,386 por saveskar pri quanta euri parolesas. Akulita en la labirinto di neposibla chanjo, Letizia facis longa kampanio qua havis un unika agreablajo: on povis vidar el e lua mieno jentil ed eloquenta – e sub la mieno esis perceptebla ulsorta desespero. Martiro.”
José Javier Esperanza
“El plufortigos l’uniono a nia Autonoma Regiono.”
Gobierno de Asturias
“El reprezentas la maxim bona valori di socio moderna, apertita ed esperema, en konstanta progreso, e di qua la personal esforco esas l’unika guidilo por konstruktar la futuro.”
Gabino
de Lorenzo
Alcalde de Oviedo
“Letizia Ortiz, tre kompetenta en sua profesiono, esas charmiva kom muliero e perfekta kom kandidato.”
Luis
María Ansón
Director del diario La Razón
“La fiancitino dil Princulo di Asturia fitas en la kanvaso di ca socio moderna, permeebla, qua maxime egardas la profesional progreso, qualesi senpene renkontrebla en la persono Letizia Ortiz.”
ABC
“La futura Rejino satisfacas la legala preskripti, esas ecelanta ed agema en sua profesiono e povas asumar perfekte l’alta funcioni quin ca rango implikas.”
El Mundo
“La futura Rejino esas Hispana muliero qua bone reprezentas nia tempo: yuna, kompetenta, voyajema, nedependanta e havanta personal e laboral experienci simila ad olti di milioni de samlandani.”
El País
“Ni tote ne dubitas ke la Princulo di Asturia, la heredonto dil Krono, sen irga frivoleso facis selekto quan il kun profunda konvinkeso judikas kom la maxim bona por la futuro di Hispania. […] Ti qui konocas el e sequis lua voyo personal e profesional qualifikas el kom muliero brava, polita, persistema, solidara, qua nultempe rekursis a favoro e sempre postuleme serchis lo ecelanta.”
La Razón
“L’anunco quan la Rejala Domo facis hiere pruvas la responsiveso, la prudenteso e la sajeso di Princo Felipe. Importas emfazar ke la precipua traiti dil futura Rejino esas lua temperamento, lua humaneso e lua komunikemeso, ne lua genealogio. E koram la decidigiva defio di mariajal obligeso, nulu altra kam Princo Felipe povis evaluar plu bone la qualesi di Letizia Ortiz Rocasolano kom lua futura spozino.”
La Vanguardia
“El esas tre
komunikema muliero, havas jurnalistala vervo, entuziasmo, esas autentika
jurnalisto, e me volis ke el tote legimite prizentez la maxim importanta
programo pri diala eventi, nam me opinionis ke to ankore mankas a lu.
El esis la maxim bona.”
El esas tre minuciema, konfirmas l’informi til la lasta detalo,
ne despitis kande on ne konsideris el por raportar ula evento, esas charmiva
muliero qua havas bonega relati kun la personi, ne esas vanitatoza, e
kun sua qualesi, sua fidindeso, sua bona aspekto sur la skreno, sua talento
por direta konekti exter la studieyo en desfacila situesi, sua partikulara
sereneso qua insinuas su en la kamero…, el povos ecelar en omno
quon el entraprezos.”
Alfredo
Urdaci
Direktero dil Informo-Servo di TVE
“El satisfacas la necesa kondicioni por partoprenar la responsi asumota dal Heredonto dil Krono.”
SS.MM los Reyes de España
“Rare on renkontras
inter la quaradek milioni de Hispani l’uniono di tam multa perfektaji
kam le posedata da Letizia Ortiz, raportisto e prizentisto dil diala eventi
che TVE, informiva televizion-emiserio favoranta la guvernerio, e quan
nur el povas aspektigar quale neutra.
Letizia havas regardo limpida e ravisiva, esas plu bela kam irga cinemo-stelo
e posedas expresiva voco quan el sekondas per gesti moderata, eleganta
ed adaptita a singla evento prizentata: el esas rafinita. Por remarkar
la guvernerial tendenci di TVE oportas evitar regardar Letizia, fugar
lua facino; tale on deskovras ke pri multa informi vere importanta lua
superiori ne furnisas ad el kontrastigiva elementi: la magio di Letizia
velizas ta evidenteso. En la mondo nur altru esas tam specala kam el:
la Usanino Connie Chung.
Kande Letizia aparas quale deino, la televiziono divenas nicho: la kreskanta
ensemblo de lua admiranti regardas el quale fosforecanta virgino kultata
sur l’aparato, quankam el trovesas interne, de ube el movas e mirakle
parolas a fervoroza publiko.
Preter la viziono on reflektas: tala perfekteso ne povas existar, ula
makulo certe trovesas, ultre lua neevitebla informado favoranta la guvernerio;
e tandem on deskovras defekto en el, la sama kam en Connie Chung: lua
rafineso ipsa.
Manuel
Morales
29 di marto 2003
Persono quala Letizia Ortiz, tante diciplinita, laborema, tante bona lektero, bone reprezentas ta mezala klaso di qua la filii edukesis ed instruktesis por esar le maxim bona. Fortunoze, quale eventas nun, li rezolvis mariajar su libere, pro amoro, ne pro irga politikal obligeso, quale forsan eventis multa yari ante nun.”
Carmen
Iglesias
Akademiano pri la Historio e la Linguo
“Pos ke on kustumeskis la “noveso” dil anunco, l’alianco di Letizia Ortiz kun la Rejal Familio Hispana implikas – ni vidas lo nun – nova imajo por la monarkio. Yuna, bela e konocata da omni, danke sua laboro kom prizentisto dil diala eventi en televizional programo emisata posdimeze, la futura Princino di Asturia havas omna qualifiki por esar la nova imajo dil Hispana monarkio.”
Fernando
Rayón
Jurnalista specalisto pri la Rejal Familio Hispana
“El esas normala muliero, qua savas quante kustas litro de lakto e qua ekiras al strado por komprar la jurnalo; tre inteligenta en sua profesiono, el multe helpos la Princulo, nam el igos il vivar vivo quan il apene konocas. Pluse, la Princulo quaze mariajos su kun la jurnalistaro, kun l’amiki di sua spozino.”
José
Luis de Vilallonga
Skriptisto
