Letizia Ortiz Rocasolano naskis ye la 15 di septembro di 1972 en Oviedo. Elu pasis sua unesma 15 yari en la publika skolo “La Gesta de Oviedo” til ke la laborala devi di elua genitori irigis a Madrid. En la Hispana chefurbo duris studiar, cafoye en la mezgradala skolo “Ramiro de Maeztu”.
Ante signatar
en la civila registro Letizia, filiino e nepotino di jurnalisti, komencis
sua laborado en komunikala moyeni quale “La Nueva España”,
“ABC” e la Agenterio EFE dum la lasta yari di sua universitatala
kariero. Elu studiis komuniko-cienco, brancho jurnalismo, en la Universitato
“Complutense” di Madrid, pose elu kursis maestrigo pri audovidala
jurnalismo, pasis kelka tempo en Mexico, ube komencis la doktorala studii
e samtempe kunlaboris en la jurnalo Siglo XXI, e retrovenis a hemo. Pos
finir elua formacado, laboris en la televizion-kanalo Bloomberg, kanalo
pri ekonomia e finanzo qua surveyas la Agenterio EFE en Hispania, ube
elu laborabis en la internaciona edito dum sua lasta yaro di universitatala
kariero.
Kelkete laboris kom aktorino en "La mirada del ángel"
(La regardo dil anjelo) , un kurtofilmo tutelata da EFE. Pos facir korekte
la probi kom prizentisto ye la komenci di CNN Plus, Letizia informeskis
de la mikra skreno ye januaro di 1999.
Ye la yaro
2000 chanjis ad altra kanalo. Engajita da la informo-servi di TVE (Hispana
publika televiziono), ube laboreskis editante “Telediario 2”
e laborante kom raportisto. Tale, elu informas pri la efekti di l’atenti
dil 11-S en USA, la dizastro dil "Prestige" en Galisia e la
Irak pos Sadam, jus konkluzita la milito. Elua laboro rekompensesas per
la premio Larra 2001, quan koncesas la jurnalistaro a la maxim bona jurnalisto
evante min kam 30 yari.
Elu prizentas “Informe Semanal”, la matinala informilo, la
specala raporti pri l’euro, la unesma edito dil informilo kun Josep
Puigbó dum la somero di 2003 e, de septembro di 2003, dil “Telediario
2” kune la direktero dil informo-servo, Alfredo Urdaci. Ye la venerdio
31 di Oktobro di 2003, prizentis elua lasta informilo.
“Me
parolis kun elu ye la venerdio e tadie, malgre elua lora cirkonstanci,
facis laudinda laboro.” -Alfredo Urdaci-
